VAKADEITAKI NA 'SYSTEM' NI TALEVONI E GANITI SARU

ENA DUA NA NEITOU TAKITAKI TAUMADA, KEITOU A TALANOATAKA YANI KINA NA VEIVUKE ESA LOMASOLI TU KINA EDUA NA TAUKEI NI KABANI NI TALEVONI MAI MEREKE ME BALETI SARU.

NA VEIVUKE OQORI, SAI KOYA NA KENA MAI VAKADABERI EDUA NA 'TELECOM NETWORK SYSTEM' VOU KA VAKA TALEGA KINA E DUA NA 'COMPUTER LAB' ME BALETI IRA NA TABA GONE. NA KABANI NA ANSWER COMM, E SA VAKADEITAKA MAI NI RATOU SA NA TIKO E LAUTOKA ENA MATAI NI MACAWA NI VULA O JIULAI.

ERAU VEIVUKE SARA TIKO VAKALEVU ENA SASAGA OQORI NA VEIWATINI KO TALATALA AISAKE KEI RADINI TALATALA ANA KALOU.

E RATOU RAICA TIKO NA NODRATOU VAKARAUTAKI E LAUTOKA KO TEVITA KOROIRARA, KINI TUIDRIVA KEI RATU JOPE KORO. ENA GAUNA OQO, ERATOU OSOOSO SARA TIKO VAKALEVU ENA KENA VAKAYACORI NA VEIVOSAKI KEI IRATOU NA TABANA NI TELECOM KEI NA KASITABA.

E SA YACO MAI NA VAKADEITAKI ME BALETA NA MATAQALI 'SYSTEM' ERATOU SA DIGITAKA ME RATOU MAI VAKADABERA E LAUTOKA.

ME VAKALESUI TIKOGA NA LAGILAGI VUA NA KALOU.