ROGOROGO VINAKA NA TUKUTUKU MAI TEXAS

IO, SA DINA SARA. NIDA TOMANA TIKO NA VEITALANOA ME BALETA NA VEIVANUA ERA SA VEIGOLEYAKI KINA NA WEKAI LFT, KEITOU NANUMA ME KEITOU UCUNA MADA MAI ENA I TAKITAKI OQO NA IVOLA TALANOA NI QAQA ME BALETI IRATOU NA VEITAMANI MAI SAN ANTONIO, TEXAS.

OQORI NA MATAVUVALE NEI TIMOCI KEI AKANISI NAVA, E RUA NA VEI WATINI YAGA ENA SOQOSOQO LOTU E SARU. E RUA NA NODRAU SOLISOLI RAIRAI TOTOKA (ASINATA KEI MAIBOLE) KA RATOU SA LAKOVA TIKO YANI OQO NA I KALIMA NI YABAKI NI NODRATOU TIKO MAI MEREKE.

E DAU CAKACAKA TU ENA VALE NI VOLAVOLA NI QELE MAROROI (NLTB) O BRO TIMOCI KA DAU QASENIVULI TU ENA HIGH SCHOOL O SIS AKANISI. EA TEKIVU NA NODRAU VAKAITAVI E LFT ENA 1998 KA RAU QARAVA YALODINA TU MAI NA NODRAU ITAVI VEI IRA NA CAURAVOU KEI NA GONE YALEWA ME YACOVA NA NODRAU TALACI ENA 2003. EA VUKEVUKE TU NI PERESITEDI NI CA O BRO TIMOCI KA RAU DAU LEWE NI WASEWASE TU O WAIYAVI 2. O BRO TIMOCI E GONE VEI BRO VILIAME SAVU.

E DINA GA NI RAU SA MAI TU VAKADEDE TU OQO E MEREKE, NA NODRAU VEITOKONI KEI NA VEIVUKE E LFT E SEGA NI BAU CAVUKA.

O BRO TIMOCI ESA MAI CURU ENA MATAIVALU NI MEREKE KA VEIQARAVI TIKO ENA TABANA NI MEDICAL. ESA YACOVA TIKO ENA GAUNA OQO NA TUTU VAKA KOVULA. E CAKACAKA TIKO ENA DUA VEI IRA NA VALE NI BULA LEVU DUADUA NI MATAIVALU NI MEREKE KA VAKATOKAI NA BAMC. O SIS AKANISI ESA MAI BIUTA NA CAKACAKA VAKA QASENIVULI KA SA LAKOVA TALEGA NA TABANA NI MEDICAL. ENA RUA NA YABAKI SA OTI, ESA MAI TAURI VOLA TALEGA KINA NI NASI. E CAKACAKA TIKO OKOYA ENA TROOP MEDICAL CENTER MAI SAN ANTONIO. E RATOU SA KAI MERIKA TU ENA GAUNA OQO.

KEITOU VAKAMUDUO NI KEITOU RAWA NI TAURA RAWA NA TUKUTUKU ME BALETI IRATOU NA VEITAMANI VINAKA OQO.

ESA VAKANUINUI TU NA EAGLES VIEW NI NA VAKALOUGATATAKI RATOU VAKAYAUYAU NA KALOU.