YAVALA NA LIGA NI KALOU E KOROBEBE

E VAKAVOTUKANA NA I TUVATUVA NI KALOU ME BALETA NA VANUA O KOROBEBE ENA MUA NI VULA O TISSEBA 2007. ENA GAUNA E MAUSA KINA NA TAMATA ENA MARAUTAKI NI SIGA NI SUCU KEI NA VAKATAWASE, ERA DIGITAKA NA LEWE VICA MERA YAVALATA NA LIGA NI KALOU ENA KENA SEGATI ME VAKALALAI KO ELI KA VAKATAWANI O LOMALAGI.

TOTOKA NA VAKAROGOCA NA VEI TUKUNIYALO ESO E WASEI MAI VEI IRA NA SO ERA VAKAITAVI ENA I LAKOLAKO OQORI. ENA IVOLA TUKUTUKU OQO, KEITOU NA TOVOLEA ME KEITOU TUVA VOSA TAKA YANI NA KENA I TALANOA NA TURAGA EA VAKAYAGATAKA NA KALOU ME VAKAVOTUKANATAKI KINA NA VEIKA E VAKAYACORA ENA VANUA OQO.

DE DAUMAKA MEDA SUKA LESU KI NA YABAKI 2000. TIKO DONUMAKA NA TEKIVU NI YABAKI, EA LOMA KATAKATA EDUA NA CAURAVOU ME SA GOLE KI NA KORONIVULI NI VEIVAKARAUTAKI MAI WAINADOI (SPBC). ME VAKA NA KENA I VALAVALA, EA NANUMA ME VAKARAITAKA NA LOMANA VUA NA NONA I TALATALA QASE (REV FILIMONI KAMA WAQA). NA VEI VOSA TUVA MATAU KECE EA CAVUTA E SUKA LESU TALE ENA NONA ISAU NI VOSA NA TALATALA QASE. “CAURAVOU, MURI RATOU VOLI MADA NA TALATALA VEIVUKE ME RAUTA E DUA SE RUA NA YABAKI. ENA VUKEI IKO VAKALEVU BALETA NI KO NA LAI VULI, O SA NA KILA RAWA TIKO ESO NA KA O NA MAI SOTAVA ENA GAUNA O VULI OTI MAI KINA. NA KORO NI VULI ME NA QAI LAKI VAKAYAGOYAGO VINAKA GA NA VEIKA ESO O SA VULI TARA RAWA YANI.”

ENA NONA TALAIRAWARAWA, EA MANI MAI VAKAMURI IRA VOLI NA VEI TALATALA VEIVUKE ESO NA CAURAVOU OQORI. NI CAVA E VICA NA VULA, EA LAKI VAKAYACORI E DUA NA VEIVAKALOTUTAKI ENA VANUA O NAGADO. NI CAVA NA VEIVAKALOTUTAKI OQORI, EA MANI KEREKERE NA TURAGA TALATALA VEIQARAVI E KEA, KE RAWA NI SA TIKO YANI NA CAURAVOU OQORI ME DAU VEIVUKE VUA. NA KEREKERE OQORI E VAKAYACORI SARA VUA NA TURAGA TALATALA QASE KA CIQOMI ENA YALO VINAKA.

NI SEBERA NI TALACI NA CAURAVOU OQORI, EA KACIVI KOYA NA TALATALA QASE ME DUA NA NODRAU VEITALANOA. ENA LOMA NI VEITALANOA OQORI, EA SOLI VAKASAMA KINA VUA KA KAYA; “CAURAVOU, NANUMA, O IKO O SEGA NI TALATALA. O NA LAKO OQORI MO GONE VULI. VEITALIA NA DREDRE KO NA SOTAVA, KUA NI TOVOLEA MO DRO. MO TAMATA KAUKAUWA.”

GOLE NA CAURAVOU OQORI KA LAKI DAU MOCE KOTO ENA LOMA NI VALE NI LOTU E NAGADO. E VAKAYACORA VINAKA SARA NA NONA ITAVI VAKA DAU NI VEIVUKE VUA NAI TALATALA QASE NI VALE NI LOTU OYA. E VAKA KOTO OQORI NA NONA VEITOKONI ME YACOVA NI VAKAWATI. DINA GA NI LEVU NA DREDRE E SOTAVA, E SEGA GA NI VEISAU NA LOMANA KA DABE DEI KOTO NO E LOMANA, NA VOSA NI VAKASALA EA VAKAYACORA VUA NA NONA I TALATALA QASE.

ENA I KA LIMA NI VULA NI YABAKI 2004, EA MAI KACIVI NAI TALATALA QASE FILIMONI KAMA WAQA KINA NA KALOU, IA E SEGA GA NI VEISAU NA YALOI KOYA NA CAURAVOU OQORI. SUCU OTI NAI MATAI NI LUVENA, E SE MOCEMOCE KOTO GA ENA LOMA NI VALE NI LOTU NA CAURAVOU OQORI.

ENA DAKU NI DREDRE OQORI, E SEGA NI VEISAU NA KAMA NI YALONA ENA NONA GADREVA ME VAKALALAI O ELI KA ME VAKATAWANI O LOMALAGI. NA KAMA WAQAWAQA OQORI NI YALONA, E VAKAVUNA NA NONA LESU TALE KI NA NONA VALE NI LOTU MAKAWA E LAUTOKA. OQORI NI CAVA E VITU NA YABAKI NA NONA BIUBIU.

ENA NONA LESU OQORI, E RAU LAKI SOTA KEI TALATALA SAIMONI WAQA (TALATALA QASE, KA LUVENA ULUMATUA NAI TALATALA F. K. WAQA), KA VAKARAITAKA VUA NA LOMANA. E SOTA NA KAMA NI YALODRAU KA YALATAKA VUA NA CAURAVOU OQORI NI NA VEITOKONI NA SOQOSOQO LOTU E LAUTOKA ENA KENA LAURAI ME VAKAVOTUKANATAKI NA NONA TADRA. NA TADRA, SAI KOYA ME VAKAYACORI EDUA NA VEI VAKALOTUTAKI LEVU E KOROBEBE.

VAKAYACORA RAWA NA CAURAVOU OQORI NA SALA VAKAVANUA NI KENA KEREI ME VAKAYACORI NA VEIVAKALOTUTAKI, KA TEKIVU SARA NA VAKAVAKARAU ME YACOVA SARA NA GAUNA ME SA VAKAYACORI KINA NA VEI VAKALOTUTAKI OQORI. 24 NI SIGA NI VULA O TISEBA, ERA SA CAVUTU NA MATASERE LEVU MERA LAKI CAKA LOTU MACAWA DUA E KOROBEBE.

E DINA GA NI SA MAI SOLI NA VEIVAKADONUI MAI VUA NA TURAGA NI VANUA, ERA A KUDRU NA VEI QASE NI VANUA ESO ENA NODRA CATA NA SIKO VANUA OQORI. NA KUDRU OQORI E SEGA NI VEI VAKAYALO MALUMALUMUTAKI. E DEI TIKOGA NA YALONA NA TURAGA OQORI ENA NONA VAKABAUTA NI NA VAKAYACORI RAWA GA NA VEI VAKALOTUTAKI OQORI.

EA MANI TALABUSESE NA VADI NI MECA KA SOLI NA GALALA MERA SA CURU VANUA YANI NA TAMATA LUMUTI NI KALOU. VAKAYACORI TIKO NA VEIVAKALOTUTAKI OQORI ENA LAGILAGI NI NONA VEI LUMUTI NA KALOU KA DUA NA KA NA NODRA GUTA NA LAKI VAKAROROGO VUNAU NA LEWE NI VANUA. DINA MADAGA NI TAUTAU TU NA UCA ENA LOMA NI MACAWA OYA.

TOTOKA NA NODRA VAKAITAVI NA MATASERE LEVU E LAUTOKA

QAI WAROMISA KA CACALIDILIDI NA VOSA NI KALOU MAI VEI NAI TALATALA VERESA TUQOVU.

NA I VALAVALA NI VEIVAKALOTUTAKI OQORI, E SEGA NI TARA WALEGA NA BULA VAKAYALO. ERA CURUMA TALEGA NA LOMA NI KORO NA CAURAVOU MERA LAKI VAKAVINAKATAKA NA VEI GAGADRE VAKALIVALIVA ESO E GADREVI KA VAKA TALEGA KINA NA VEIVUKE VAKA VUNIWAI. NA VEIQARAVI VAKAVUNIWAI OQORI E KOVUTI KINA NA VEI CILIVI VEI IRA NA CAURAVOU LALAI ESO.

E MALAUDE NA YALODA NIDA VAKARAICA NA LIGA NI KALOU NI SA YAVALA VOLI ENA KEDRA MALIWA NA LEWE NI VANUA VAKA TURAGA OQORI. DRODRO VAKAYAUYAU NA TAMATA KI NA CABOCABO NI SORO ENA NODRA SOLIA NA NODRA BULA VUA NA TAUKEI NI BULA KA MURIA TARAVA OQORI NA VEI PAPITAISOTAKI LEVU.

NA VEI PAPITAISOTAKI OQORI E VEIQARAVI KINA E VICA NA ITALATALA KA TARA YALO NIDA VAKASARAVA NA VEIKA E YACO ENA GAUNA VA KALOU OYA.

NI SERE DALI NA MATALAWALAWA NI VEIVAKALOTUTAKI OQORI MAI NA VANUA VAKATURAGA O KOROBEBE, ESA VAKATIKORI TOKA YANI E DUA NA SOQOSOQO LOTU KA SA VAKACABORI RAWA TALEGA EDUA NA NODRATOU TALATALA KEI IRATOU NA NODRATOU MATABOSE NI TUIRARA.

NA LESILESI VAKAITALATALA OQORI E SA MAI BALE VUA NA CAURAVOU KA AU TALANOATAKA TIKO OQORI E CAKE. O TALATALA LUKE TAMANI, NA TURAGA NI LOMAIVITI, A VAKATALAI ME LAKI VEIVUKE VUA NA TAMATA NI KALOU MAI NAGADO. NI CAVA E VITU NA YABAKI NI NONA VEIVUKE TIKO MAI KEA, SA VAKASUCU NA KA VUA NA NONA VEIQARAVI, KA SA MAI TAUYAVUTAKI EDUA NA SOQOSOQO LOTU VOU. VAKATOKARI NA SOQOSOQO LOTU OQORI ME, 'AWAKE ASSEMBLIES OF GOD'.

NI MAI CAVA NA SOQONI ENA SIGATABU SA OTI, ERA TIKO RAWA ENA SOQONI OYA E LEWE 83 NA TURAGA KEI NA MARAMA (SEGA NI WILI KINA NA GONE). ME VAKALESUI TIKOGA NA LAGILAGI KEI NA VEI VAKACERECEREI VUA NA NODA KALOU, SA DUA BAU GA.

ENA TIKO RAVITI TALATALA LUKE TIKO NA SOQOSOQO LOTU E LAUTOKA ME YACOVA NI TARA OTI EDUA NA VALE NI LOTU, TIKOTIKO NI TALATALA, VAKA SODOMI NA WAI KEI NA LIVALIVA KA VAKADABEDABETAKI OTI NA VALE NI LOTU. NA RAIVOTU NI 12,000 E SA YACOVA NA VANUA O KOROBEBE.

MO NI KALOUGATA TIKO