TADOLA NA SALA NI VEIVUKE E SARU

E DOLAVA NA KALOU EDUA NA SALA NI VEIVUKE LEVU E SARU. E VU TIKO OQORI ENA KENA YAVALATA NA KALOU NA YALODRAU NA VEIWATINI, O TALATALA AISAKE KEI RADINI ANA KALOU MAI NA FIRST FIJIAN AOG MAI LOS ANGELES, CALIFORNIA.

NA VEI YAVALATI OQORI EA TEKIVU ENA NODRATOU VEITALANOA KEI NA DUA VEI IRATOU NA VAKAILESLESI NI VEIQARAVI E SARU ENA DUA NA BOGI LEVU ENA YABAKI 2006. EA VEIVAKAUQETI KINA NA KALOU VUA NA NONA TAMATA ME LAKI VAKAYACORA EDUA NA VEIVOSAKI KEI NA TAUKEI NI DUA NA KABANI NI TALEVONI (ANSWER COMM) ENA VANUA OYA.

NI CAVA NA NODRAU VEITALANOA OQORI, EA LAKI VAKAVUNA ME KACIVI TALEGA KINA NA NODRAU VULAGI NA VEIWATINI OQORI KA GOLE YANI E SARU. KATAKATA KA VAKASAKITI NA NODRATOU VEITALANOA, NI VAKADEITAKA KINA NI TURAGA TAUKEI NI KABANI OQORI NI SA NA ITAVI NI NONA KABANI ME VAKARAUTAKA KA VAKASUDOMA TALEGA (SUPPLY AND INSTALL) NA VEISALA NI BIAULIVALIVA NI VEITARATARA (TELECOM NETWORK SYSTEM) E SARU. NA VEIVUKE OQORI, E VAKATAQARI TOKA E CAKE NA NODRATOU LOMASOLI ME RATOU MAI VAKADABERA TALEGA EDUA NA COMPUTER LAB, ME BALETI IRA NA ITABA GONE.

VAKADABERI TOKA NA VEIVOSAKI OQORI ME YACOVA NA MUA NI YABAKI SA OTI(2007), ENA NODRATOU KACI LESU MAI NA TAUKEI NI KABANI (ANSWER COMM) ME SA VAKADEITAKI KINA NI RATOU SA NA GOLE TIKO MAI ENA I MATAI NI MACAWA NI VULA KO JIULAI ENA YABAKI OQO.

ENA VEIVAKADEITAKI OQORI, ERATOU SA BIUTA VATA KINA NA VEILIUTAKI EDUA NA MATA TIMI ME SA NODRATOU ITAVI VAKATABAKIDUA NA RAICA NA KENA VAKARAUTAKI NA NODRATOU GOLE MAI NA MATALAWALAWA OQORI.

E SE VO TIKO ESO NA CAKACAKA LELEVU ME QARAVI NI SEBERA NA GAUNA OQORI, KA SA RATOU QARAVA TIKO NA CAKACAKA OQORI NA MATALAWALAWA KA SA LESI VEI IRATOU NA ITAVI OQORI.

NA VEIVUKE LEVU OQORI ENA RAUTA TIKO NI SIVIA NA $100,000 NA KENA ISAU VAKA ILAVO. E RATOU NA SAUMA GA NA NODRATOU I VODOVODO, OTELA KEI NA LORI NI VEI CICIYAKI.

E SA RUI TOTOKA NA KALOU, ENA NONA DAU VEI VAKAYAGATAKI ENA SO NA VEI SALA VAKAOQO. E VAKAVINAVINAKA NA SOQOSOQO LOTU VEI RAU NA VEIWATINI MAI LOS ANGELES ENA NODRAU YAVALATA NA VEI VAKAUQETI NI YALO NI KALOU.

ME NONA TIKOGA NA KALOU NA LAGILAGI KEI NA VAKAROKOROKO.