TOTOKA NA DRAKI NI NODA SOQO

SOLI TU NA DRAKI TOTOKA NI SOLEVU E VAKAYACORI TIKO OQO E LAUTOKA. TU DONU MA MATA NI SIGA KA MUDREMUDRE VINAKA TU NA CAGI. E SOLI VAKARURU VINAKA TU NA VEI VUNI VAIVAI LELEVU KA KILAI TANI KINA NA LOMA NI KORO OQO E LAUTOKA.

AU VOLAVOLA TIKO YANI OQO ENA TABA VALE E CAKE ENA J R WHITE MAKAWA GA KONI KILA VINAKA TU NA KAI LAUTOKA, KAU VAKADIGOVA TU YANI OQO NA LOMA NI RARA NI HOCKEY.

E SA KUVU TU NA BUKA KA RA VISA TU ENA DAKU NI VEI VATUNILOA, TOKA TU NA WAI KATAKATA KA RA SA TEKIVU TABILI MAI NA LEWE NI VANUA. NA I COI NI TI E SEGA NI TUKUNI RAWA. OQO NA COI NI TI E VAVI ENA KURO KA VISA TU NA KENA BUKA. AU VAKABAUTA NI KONI NA SE NANUMA VINAKA TU NA WEKAI KEIMAMI KONI SA BIU VANUA TU VAKADEDE.

DOLA TU NA IQAQI NI SUKA KA IKURI TU NI ROROGO NA TAGI NI SICI NI SITIMA NI VANUA.

IA, E SEGA NI TIKOGA NA LAGILAGI NI SOQO OQO NA DRAKI NI VANUA. E TOTOKA TALEGA NA DRAKI VAKAYALO NI KEIMAMI VAKILA NA CAGI VAKACEVARURU NI YALO NI KALOU NI TIKO MALIWAI KEIMAMI ENA SASAGA OQO.

ME VAKA E CAVUTA VEI AU NA I TALATALA QASE, " E SEGA NI BIBI DUADUA NA ILAVO EDA NA SOQONA. E USUTU NI SOQO OQO, NA VEI TOKANI, CAKACAKAVATA KEI NA VAKALESUI NI YALO MERA LESU VEI KOYA NA TAUKEI NI BULA." E VAKILAI OQORI ENA NODRA TABILI MAI KA VAKAITAVI TIKO ENA VEIVAKALOTUTAKI ENA VEI BOGI NA VEI MATALOTU ESO (CMF, ALL NATION KEI NA APOSTLES).

AU VAKABAUTA NI KONI NA DAU VAKATU DALIGA TIKO MAI ENA VEI BOGI (8.30PM - 9.30PM - FIJI TIME) ENA http://www.fbcl.com.fj/ (RADIO FIJI ONE).

OQO NA BASA NI 2 TUI, WASE E 4.

E SA OTI E 21 NA YABAKI NI KENA SEGAI TIKO MAI NA CAKACAKA OQO, KA SEGA NI LEVU NA ILAVO E TU VEI IRA NA LEWE NI LOTU. SEGA NI LEVU ERA CAKACAKA VINAKA. IA, NA LEVU GA NI NODRA LOMANA NA NODRA KALOU KEI NA YALO NI LOMASOLI ME SOLI NA KA GA SA VO TU VEI IRA ME QARAVI KINA NA CAKACAKA CECERE OQO.

OQO GA ESO TALE NA VEI ITABA ESO;

VINAKA VAKALEVU NA TIKO RAVITA TIKO MAI NA MONA LIVALIVA OQO, KEI NA VAKASUKAI TIKO MAI NI VEITUKUTUKU ESO (COMMENTS).

ME YACOVA NA NODA VEITALANOA TALE, ME VAKALOUGATATAKI KEMUNI NA TAMADA SA CECERE SARA.

CAVA NA MATAI NI SIGA NI SOLEVU

Toso tiko na mausa kei na volivolitaki ena loma ni Hockey Ground e Churchill Park,Lautoka.

Era tokara na isulu roka vata na marama ka era tatavu tu oqo na cauravou, buli icoi ni ti na goneyalewa ka ra vavavi na turaga

Esa totoka dina ni ra sou vata mai na lewe ni lotu ka ra cakacaka vata ena yalo e veilomani dina.

Me vakacerecerei ga na tamada sa cecere sara.

Keimami vakabula tiko yani vei kemuni na noda ni tiko ravita tiko mai na monalivaliva oqo.

Vakavinavinaka vei kemudou mai Texas, San Fransisco kei Los Angeles. Vinaka vakalevu na veitaratara tiko mai.

KERE VEIVOSOTI ENA VUKU NI LOTU KABURAKI

E SA KEREI TIKO NA NOMUNI VEIVOSOTI ENA VUKU NI SEGA NI RAWA NI KABURAKI YANI NA LOTU KABURAKI ENA YAKAVI E NANOA.

NA VUNA LEVU OQORI NI LEQA EDUA NA YAYA NI KABUKABURAKI ENA KABANI NI RADIO FIJI ENA YASAYASA VAKA RA. ERATOU SA SASAGA TIKO ENA KENA VAKAVINAKATAKI KA SA NUITAKI NI SA NA RAWA VINAKA ENA YAKAVI EDAIDAI.

KO NI SA SURETI MONI QAI VAKA TUDALIGA TIKO MAI ENA www.fbcl.com.fj (Radio Fiji One) mai na 8.30pm - 9.30pm (Fiji Time) ena yakavi bogi nikua.

LOTU KABURAKI

Ni mata vinaka tale mai na wekai LFT vinaka.

Oqo tale edua na i kuri ni talanoa ni solevu e vakayacori tiko oqo ena Hockey Ground e Lautoka.

Ena vakayacori tiko na lotu ena vei bogi ka na kaburaki tiko ena Radio Fiji One, mai na 8.30pm ki na 9.30pm (Fiji Time). Ko ni rawa ni rogoca ena www.fbcl.com.fj . Nanuma vinaka - Radio Fiji One.

Ko ni sa sureti taucoko tiko yani moni mai tiki talega ni soqo oqo.

TEKIVU NA VAKAVAKARAU

Era sa tekivu tabili mai na lewe ni lotu kei ira na veitokoni ki na rara ni Hockey ena Churchill Park, mera mai vakavakarau kina soqo siga tolu esa na vakarau tekivutaki ena siga nikua.


































Ko ni sa kerei moni tiko ravita tikoga mai na monalivaliva oqo ni na vaka matatataki tiko yani kina vaka tolu ena vei siga na veika e vakayacori tiko ena loma ni koro ni suka oqo e Lautoka.

Me yacova na neitou vakau tukutuku tale yani (ena loma ni vica ga na yauwa mai oqo), me vakalougatataki kemuni tikoga na Tamada sa cecere sara.

YAVAVALA O LAUTOKA NI VAKAYACORI NA BASA NI YABAKI

E MAUSA O LAUTOKA NI RA VAKAVAKARAU NA SOQOSOQO LOTU E LAUTOKA ENA KENA VAKARAU VAKAYACORI NA I KARUA NI BASA VAKAYABAKI.

NA INAKI LEVU NI BASA OQORI SAI KOYA NA KENA GADREVI ME TOSOI LFT VOLEKA TIKO YANI ENA KENA VAKAVOTUKANATAKI NA RAIVOTU LEVU ;

1. ME VAKAOTI NA VALE NI SO KALOU
2. ME VAKALESUI VUA NA KALOU E 12000 NA YALO

E DINA GA NI SA MAI DOLA NA VALE NI LOTU ENA YABAKI SA OTI, E TIKO E VICA NA DINAU E GADREVI ME SAUMI OTI ME RAWA NI VAKACAVARI VINAKA KINA NA SASAGA NI TARA VALE OQORI.

ENA GAUNA AU VOLAVOLA TIKO YANI KINA OQO, ESA TARA OTI TU ENA LOMA NI HOCKEY GROUND E CHURCHILL PARK, E 40 NA VATUNILOA NI VOLIVOLITAKI, DUA NA STAGE LEVU, DUA NA VALE NI VOLAVOLA KEI NA DUA NA MEDIA CENTRE.

E SEGAI TIKO MENA RAWATI E $150,000.00 ENA TOLU NA SIGA NI SOQO OQORI KA ME TEKIVU SARA TIKOGA ENA LOTULEVU OQO (28/06) KA MENA QAI CAVA SARA TIKO ENA VAKARAUWAI (30/06).

KEITOU NA TOVOLEA VAKAUKAUWA SARA TIKOGA NA TABANA NI MEDIA ME KEITOU 'LIVE' TAKA YANI ENA YAHOO MESSENGER NA SOQO OQORI. KEITOU NA QAI VAKADEITAKA TIKO YANI ENA MONA LIVALIVA OQO NA MACALA NI TUKUTUKU OQORI.

KONI SA SURETI TALE TIKOGA NA WEKAI KEIMAMI KONI DAU QUSI WAINI MATA ENA MONALIVALIVA OQO MONI VEITOKONI TALEGA ENA NEIMAMI SASAGA OQO.

NA VEIVUKE E RAWA NI VAKAU MAI ENA AKAUDE E TABAKI KOTO OQORI ERA;

LAUTOKA FULLGOSPEL, GIDEON SPECIAL A/C

A/C # : 9800509698

WESPAC BANK, LAUTOKA BRANCH

KE SO NA VAKATATARO, E RAWA NI KONI QIRIQIRI MAI ENA NABA NI TALEVONI - (679) 9401205 (BRO TUKANA) SE (679) 9935209 (BRO ESAVA)

E RAWA TALEGA NI KONI TARAI KEITOU ENA www.lftmedia@kaiviti.com

Vinaka vaka levu na veisiko tiko mai ena tabana ni neitou veiqaravi oqo. Me vakalougata taki kemuni na tamada sa cecere sara.

SO KALOU VATA NA VEI TABA TAMATA

Dua na ka e totoka se vasakiti kina na veiqaravi e Saru sai koya na kena laurai mera sotavi vinaka kece na vei taba tamata.

Eso na matavuvale ka a tiko ena gauna ka tekivutaki mai kina na cakacaka e Lautoka, era sa yacova mai oqo nai ka va ni taba tamata.

Na ka bibi duadua e tiko sai koya na kena tiko na lagilagi ni Kalou ena veigauna kece e vakayacori kina na soqoni.