JISU GA NA I WALI NI LEQA

NIDA VAKAWILIKA NA VEI TUKUTUKU ESO ME BALETA NA NODA VANUA LOMANI, E VEICICIYAKI NA NODA VAKANANANU SE CAVA BEKA EDA VA TIKO KINA OQO.

TEKIVU ENA KENA VUAVIRITAKI NA MATANITU, TOSO YANI KI NA NODRA VAKACEGUI VAKAYAUYAU NA VAKALESILESI ECAKE NI MATIVALU KEI NA MATANITU KA SA MAI TARA OQO NA NODA VEILIUTAKI VAKA I TAUKEI NI VANUA (BLV).

VEI KEDA NA TAMATA QARAVA NA KALOU, E DODONU MEDA TUDEI TIKOGA BALETA NIDA KILA NI TIKO VATAKEI KEDA NA KALOU. IA, E VAKAEVEI O IRA ERA SEGA NI KILA NA KALOU?

NA TARO KA MURIA TARAVA YANI OQORI, SAI KOYA," NA CAVA EDA RAWA NI VAKAYACORA NA LUVE NI KALOU?"

NA ITAKITAKI OQO E SEGA NI RAVI BALETA E DUA NA ITO, IA, E VEISURETI VEI KEMUNI NE WEKAI LFT MEDA MASULAKA NA NODA VANUA KEI NA GAGADRE E TIKO ME KAUTI KEDA LESU KINA SAUTU EDA A LAKO DONUMAKA MAI ENA DUA NA GAUNA.

...."SA KALOUGATA NA TAMATA E VAKARARAVI VEI JIOVA KA NUITAKI JIOVA DUADUA GA..."

AU VAKANANUMI KEDA ENA SERE EDA DAU LAGATA E LFT ENA VEI GAUNA ESO;

• 'SAI JISU GA NA WALI NI LEQA'
• 'NA DRAKI QO SA RAUTI JISU GA'

IO, SA GADREVI DINA GO O JISU ENA GAUNA OQO.

LIUTAKA NA TIMI NI VITI KO OSEA

KONI NA DAU WILIKA TU BEKA NA TUKUTUKU ME BALETI VITI (ONLINE) KA SA RARAI TAKOSOVA BEKA ESO NA TUKUTUKU ME BALETI IRA NODA TIMI NI SOKA (UNDER 23) KA RA QITO TIKO ENA OCEANIA OLYMPIC PLAYOFF KA VAKAYACORI TIKO E LAUTOKA ENA GAUNA OQO.

NA KAVETANI NI TIMI OQORI O OSEA VAKATALESAU, KA DUA VEI IRATOU NA LUVEI BRO JONE FINAU KA CORDINATOR TIKO NI WASEWASE O WAIYAVI 1.

ESA MATATAKA OTI TALEGA NA TIMI LEVU NI SOKA NI VITI NA CAURAVOU OQORI KA TOSO VINAKA SARA TIKO NA NONA QITO. E SA QITO TIKO MAI NIUSILADI ENA GAUNA OQO.

(Picture - Fiji Times)

MATA TAKI MARSHALL ISLANDS O BRO ELIKI KEI ISOA

TOTOKA NIDA VAKASARAVA NA VANUA ERA SA VEIGOLEYAKI KINA NA LEWE NI LOTU NI LFT. ENA MATAKA NIKUA KEITOU MAI CIQOMA KINA EDUA NA ITUKUTUKU ME BALETI BRO ELIKI TIKO.

E RATOU SA TIKO MAI NA MARSHALL ISLANDS KA SA MATA TAKA TIKO NA MATATIMI NI RAKAVI MAI KEA .

E VEIQARAVI TIKO VAKA DAU NI VAKADIDIKE NI TABANA NI BULA ENA VALE NI BULA (Laboratory Technologist) NA NONA LEWE NI VALE (SIS KINI TIKO) KA DUA NA NODRAU ISOLISOLI (LAVENIA). O BRO ELIKI E GONE VEI SIS KESA LOLOU MAI NAMOLI, IA NA NONA LEWE NI VALE E LUVEDRAU O BRO ILIESA KEI SIS KENONA MAI NAVUTU.

E MATATAKA TALE TIKOGA NA TIMI OQORI O BRO ISOA BALEIWAI, E DUA NA CAURAVOU KA DAU VEIQARAVI YALODINA TU E SARU ENA VICA NA YABAKI SA OTI KA SA VAKAITIKOTIKO TALEGA MAI KEA. E SA VAKAWATI O BRO ISOA KA SA DUA TIKO NA NONA I SOLISOLI (ORISI).

E SA VAKANUINUI TU NA EAGLES VIEW ENA NODRATOU SASAGA NA MATAVUVALE RUARUA OQORI.

Picture: J.R. Manuel/For Pacific Daily News)

CATCH OUR SPIRIT

THE SHORT DIGITAL CAMERA CLIP YOU ARE ABOUT TO VIEW DEPICTS IN SOME SMALL WAY, HOW WE WORSHIP GOD AT SARU EVERY WEEK.

WE JUST WANT YOU TO FEEL OUR SPIRIT.

GOLE VAKAVULI KO TALATALA JIALE

VAKARAU ME TALACI O NAI TALATALA JIALE LENOA ENA DUA NA NONA SASAGA VAKAVULI KI NIUSILADI. ENA I LAKOLAKO OQORI, E VAKAUTI KOYA KINA NA KABANI E CAKACAKA TIKO KINA (FEA) KA NA LAKI SEGATA TIKO KINA EDUA NA NONA KOROI TOROCAKE.

O TALATALA LENOA, EA MAI TEKIVU LEWENILOTU E LFT ENA 1992 KA DUA VEI IRA NA LEWE NI MATABOSE NI TUIRARA KA VEIQARAVI VAKA BALAVU SARATOKA E SARU. EA TAURA TIKO NA ITUTU VAKA VUNIVOLA NI SOQOSOQO LOTU ENA GAUNA EA MAI VAKACEGU KINA KO NAI TALATALA FILIMONI KAMA WAQA.

OKOYA E DUA TALEGA VEI IRATOU NA DIVISIONAL PASTORS NI SOQOSOQO LOTU ME YACOVA NA NONA SA MAI BIUBIU OQO. EA VEIQARAVI TIKO ENA DIVISION 3 KA OKATI KINA O WAIYAVI 1, WAIYAVI 2 KEI DRASAVITOGO.

ENA VAKILAI NA NONA BIUBIU NA TURAGA OQO, ME VAKA NI DUA NA TURAGA DAU CAKACAKA KA CUQENA NA ITAVI NI VEIQARAVI E LFT.

E TURAGA NI LAU KA VAKAWATI VEI SIS IVA LENOA (REWA) KA TOLU NA LUVEDRAU TOTOKA. E SA DUA TALE TIKOGA NA MAKOBUDRAU NA VEIWATINI VINAKA OQORI.

VEITALANOA KEI BRO TEVITA TAMANI

VEI KEMUNI NA SA LESU OTI YANI E SARU, KO NI NA KILA NA LEVU NI LOMA NI BAI KA DAVO WAVOKITA NA VALE NI LOTU EKE.

ENA ITAKITAKI OQO, KONI NA SARAVA TIKO KINA EDUA NA VEITALANOA KA VAKAYACORI ENA DUA NA RUKU NI VUNIMAQO KEI KOYA NA TURAGA KA NONA ITAVI ME DAU RAICA ME KOTI KA SAMAKI VINAKA TU NA LOMA NI BAI LEVU OQORI.

OQORI O BRO TEVITA TAMANI, E TURAGA MAI NA VANUA RAIRAI TOTOKA MAI NA TEBARA KA SA MAI TU VAKADEDE TU E LAUTOKA. E VAKAWATI VEI SIS VIKA KA DUA TIKO NA NODRAU ISOLISOLI (TEVITA JNR).

E LIULIU (CORDINATOR) TALE TIKOGA OKOYA ENA DUA NA WASEWASE (DISTRICT) LEVU E LAUTOKA.

ENA SALA NI SOLI TUKUTUKU OQO, KEITOU GADREVA ME KEITOU VAKAVEIKILAITAKI KEMUNI TALEGA KEI IRA ESO, ERA DAU SOLIA TU NA NODRA BULA ENA CAKACAKA NI KALOU KA SEGA TU NI DAU LAURAI SE KILAI.

VEILESIYAKI NA GONE NI LFT

NI TEKIVU ME VEISOSOMITAKI YANI NA TABA GONE KI NA IULI NI VEILIUTAKI E LFT, ERA SA MAI BIUBIU TALEGA ESO NA GONE SUSUGI CAKE ENA LOMA NI SOQOSOQO LOTU.

ENA MACAWA OQO, KEIMAMI SA MAI TALACI LEPANI MARAWA (LEPS ME VAKA ERA KILAI KOYA KINA NONA ICABA), ME SA NA LESI TIKO VAKACAKACAKA KI SUVA.

NA CAURAVOU OQO, E LUVEDRAU GONE DUADUA O BRO JERRY MARAWA KEI LOSANA MARAWA. OQORI E RUA VEI IRA NA DURUVESI KEI SARU ENA DUA NA GAUNA. E DINA GA NI SA TIKO KEI NA KALOU ENA GAUNA OQO O BRO JERRY, O SIS LOSANA ESA CAKACAKA TIKO MAI SUVA KA SA LIUTAKI IRA TIKO NA NASI ENA NODA VANUA LOMANI.

O LEPANI E DUA VEI RAU NA LEWE RUA KA A TEKIVUNA NA TABANA NI VEIQARAVI OQO (MEDIA DEPARTMENT), ENA TOLU NA YABAKI SA OTI. EA DUA TALEGA NA LEWE NI KOMITI NI YOUTH GONE DUADUA ENA GAUNA E TEKIVU ME VAKAITAVITAKI MAI KINA ENA LOMA NI SOQOSOQO LOTU.

E SA MAI TUBU SARA NA TABANA NI VEIQARAVI OQO KA SA NEIMAMI MASU ME NA VAKALOUGATATAKI KOYA NA KALOU ENA VANUA ENA LAKI VAKAYAGATAKI KOYA KINA.

E CAKACAKA TIKO O BRO LEPANI ENA BAQE NI WESTPAC.

NA KARUA NI CAURAVOU KA RAU TEKIVUTAKA VATA KEI LEPANI TABANA NI VEIQARAVI OQO, O ROSIVELA NAISAU. OKOYA E SA LESI TALEGA KI SUVA ENA YABAKI RUA SA OTI.

E LEWE TIKO NI MATAIVALU NI NODA VANUA.

LOTU NI DISTRICT E GOLF LINK

EDAU VAKAYACORI NA SOQONI NI VEI WASEWASE ENA VEI YAKAVI NI LOTULEVU.

ENA TAKITAKI OQO, KEITOU SIKOVI IRATOU KINA NA WASEWASE E GOLF LINK (KA DAU KILAI TU ME RIFLE RANGE ELIU)

SENIOR MEMBERS STILL GOING STRONG

MEET SOME OF OUR SENIOR MEMBERS. THEY HAVE COME THROUGH SOME DIFFICULT TIMES BUT REMAIN FAITHFUL AND TRUE.

LFT IS FORTUNATE TO HAVE THEM AROUND.