MEDA VEIKILAI MADA

E SA MAI CAVA OQO E RUA NA VULA NA KENA MAI TAUYAVUTAKI NA IVOLA VIVIGI NI SOLI TUKUTUKU OQO, KA AU VAKABAUTA NI KONI MARAUTAKA NA VEITUKUTUKU ESO KA DAU TABAKI KOTO KINA.

KEITOU NANUMA ME KEITOU VAKAVEIKILAITAKI KEITOU MADA YANI.

NA MATA TIMI NI MEDIA OQO, E MATA TIMI GONE SARA KA SEGA NI DUA VEI KEITOU E VULICA NA CAKACAKA NI VEIQARAVI OQO. KEITOU A CIQOMA GA NA GAGADRE NI TALATALA QASE KA VAKASUDOMA VATA KEI NA RAIVOTU NI SOQOSOQO LOTU ENA KENA GADREVI ME VAKAUTI NA I TUKUTUKU VINAKA E NA VEIYASAI VURAVURA TAUCOKO SARA.

KEITOU A MANI BIUTA VATA EDUA NA MATA TIMI GONE SARA.

E SEGA NI RAWARAWA NA TAUYAVU ME VAKA NI LAILAI SARA NA KILA KA SEGA NI TAUCOKO NA IYAYA ME TEKIVU KINA NA VEIQARAVI. IA, KEITOU VAKAVINAVINAKA VAKALEVU VUA NA KALOU ENA VEIVUKE ESO E VAKAYACORI VEI KEITOU.

OQORI MAI VEI IRA ESO KA TABAKI KOTO OQORI ERA;

• TALATALA APISALOME ROKOBARO - MULTIMEDIA PROJECTOR
• SISTER MARAMA (SYDNEY) - MULTIMEDIA PROJECTOR
• TIMOCI LAQAI & FAMILY - TV MONITOR
• NADI AIRPORT AOG MEDIA TEAM - VEIVUKE LEVU ERATOU SOLIA ENA NEITOU TAUYAVU. KEITOU VAKAMUDUO ENA NODRATOU WASEA VAKARAWARAWA NA KILA E TIKO VEI IRATOU KEI NA VEI YAYA TALE ESO
  
• LA FIJIAN AOG - MAIN COMPUTER, PRINTER KEI NA VEI YAYA ESO KA VUKEA NA NEITOU TAUYAVU
• PST AISAKE KALOU & SIS ANA - NODRAU VOLIA NA WEBCAM KEI NA CAMERA STAND
  
• BROTHER LAI ( SAN FRANSISCO) - VEIGACAGACA ESO NI MULTIMEDIA
• BROTHER EPARAMA RALULU - DVD HARDRIVE
• BROTHER ROPATE - COMPUTER
• BROTHER SUNIA GUTUVAKACA - LAPTOP
• REV VILIAME NAIVALU - CAM CORDER
• SISTER TORIKA (USA) - PC TO TV CONVERTER
  

ESA NEITOU MASU ME VAKALOUGATATAKI IRA OQO NA TAMADA SA CECERE SARA.

KEITOU WASEI KEITOU TIKO VAKA VA

1. MULTIMEDIA - QARAVI NI LOTU ENA SIGATABU KEI NA VEI VANUA TALE ESO KA GADREVI KINA NA NODRATOU VEIQARAVI
2. NEWS TEAM - ERATOU QARAVA NA KENA LAURAI NA VEITUKUTUKU ESO ME KACIVAKI SE TABAKI VEI IRA NA LEWE NI LOTU KEI KEMUNI NA WEKAI LAUTOKA TU YAWA.
   
3. WEBSITE - KEITOU NA RAICA ME CICI VINAKA TIKO NA TABANA NI VEIQARAVI OQO.
   
4. VIDEO PRODUCTION - OQORI O IRATOU NA RAICA NA VEITABA KEI NA KENA VOLITAKI

E SE VOU SARATIKO NA NEITOU VEIQARAVI KA SA VEIVUKE TIKO NA KALOU ENA NEITOU SASAGA ESO.

ENA GAUNA OQO, KEITOU SA TEKIVUTAKA TALE TIKOGA NA KENA KABURAKI NA LOTU ENA VEI SIGATABU. KE KONI VIA TIKI NI NEITOU SOQONI ENA VEI MACAWA, ESA KEREI MONI QAI VAKARAITAKA GA MAI ENA email : lftmedia@kaiviti.com KA KEITOU NA QAI VAKARAITAKA YANI KINA NA SALA KONI RAWA NI CIQOMA KINA NA LOTU OQORI.

KE KEITOU CICI, SE TAUBALE, SE QASI, SE MANI DOLO SARA, KEITOU NA TOVOLEA NA NEITOU IGU ME KEITOU NA VAKAVINAKATAKA TIKOGA NA SALA NI NEITOU VEITARATARA KEI KEMUNI NA WEKAI KEIMAMI TU YAWA.

KE KONI GADREVA MONI VEIVUKE TALEGA MAI ENA KENA VAKAVINAKATAKI NA TIKI NI RAIVOTU OQO, E RAWA NI KONI VEITARATARA TALEGA MAI ENA EMAIL ADDRESS KA TABAKI KOTO OQORI E CAKE.

ME KEITOU VAKARAITAKI KEITOU MADA YANI

TALACI E RUA NA SOTIA QAQA KEI SARU

E MAI TALACI TOKA ENA LOMA NI VICA NA MACAWA SA OTI OQO, E RUA NA DURUVESI NI SOQOSOQO LOTU E SARU.

OQORI NA KENA MAI QARAVI NA NODRAU LOTU NI VEITALATALA O,

TALATALA MATAI NASIKO KEI

TALATALA BATI QAINIUCI

TOTOKA KA LAGILAGI NA KEDRAU I TUKUTUKU NI RA WASEA NA VEI TALANOA ESO NI NODRAU BULA KO IRA NA KILAI RAU VINAKA.

E SA MAI VO TIKO OQO E VICA SARA NA QASE KA RA TEKIVUTAKA MAI NA CAKACAKA NI LOTU E LAUTOKA. KEITOU VAKABAUTA NI NA DAUMADA ME TABAKI NA NODRA I TALANOA NI RA SE TIKO MALIWAI KEDA TIKO.

ENA LOMA NI VICA NA VULA KA TIKO OQO E MATADA, KEITOU NA TOVOLEA ME KEITOU NA BIUTA TIKO YANI ESO NA NODRA ITALANOA NA VEI QASE NI LOTU ESO OQORI.

NA NODRA ITUKUTUKU E RAWA NI BALE VATAKEI IRA KE SEGA NI TALANOATAKI SE VAKAWELEWELETAKI MAI VEI KEDA NA ITABA OQO.

KO NI SA SURETI MONI QAI TIKO RAVITA TIKO MAI NA MONA LIVALIVA OQO, NI NA TALANOATAKI TIKO YANI KINA NA VEI TUKUTUKU ESO OQORI.

DABE LESU NA KUVU NI SOSO E CHURCHILL PARK

ESA MAI DRE KO MALOLO NA MATA NI SIGA NI SOLEVU VAKAYABAKI E LAUTOKA. E DABE GALILI TOKA NA VATUNILOA NI SA LUVA NA KENA I SALUSALU KA A UKUTAKI KOYA TOKA ENA TOLU NA SIGA SA MAI CAVA BALETI KEDA OQO.
TOTOKA NI DA SARAVI IRA NA LEWE NI LOTU NI RA VAKACAVARA VINAKA NA NODRA ITAVI ENA YALO E MARAUTAKA. VAKAUASIVI NI RA VAKAYACORA ENA YALO E LOMANA NA KALOU.

LAGILAGI VAKAIDINA NA SOLEVU NI YABAKI OQO, KAU RAWA NI KAYA NI SA TALAVE MAI ENA KENA A VAKAYACORI ENA YABAKI SA OTI. AU VAKABAUTA NI TOSO TIKO NA KENA QARAVI, ESA NA MATATA SARA TIKO MAI BALETA NA VEIVUKE NI KENA ILOVI LESU NA IVOLA TUKUTUKU MAI VEI IRA ERA VEIQARAVI TAUMADA MAI.

KEIMAMI VAKAVINAVINAKA VAKALEVU VEI KEMUNI NA WEKAI LAUTOKA KONI SA BIU VANUA TU ENA NOMUNI DAU DABE RAVITA TIKO NA MONA LIVALIVA OQO. VINAKA VAKALEVU NA DAU SOLI TUKUTUKU LESU MAI.

NA MATA TIMI E VEIQARAVI TIKO ENA TABANA NI MEDIA ERA LEWENA TIKO E VICA NA CAURAVOU GONE SARA VAKAYABAKI,IA ERA GONE DAU CAKACAKA KA GUGUMATUA ENA KENA TOVOLEI ME VAKAVINAKATAKI NA SALA NI VEITARATARA.
AU VOLAVOLA TIKO YANI OQO ENA LOMA NI VALE NI VOLAVOLA NI MEDIA E SARU (OLD FINANCE OFFICE). VOQA KOTO OQO E DAKUQU NA DOMODRATOU NA WORSHIP TEAM. ERA SE QAI TEKIVU TABILI TIKO MAI VAKAMALUA NA LEWE NI LOTU. AU VAKABAUTA NI BIKAI IRA TOKA VAKALAILAI NA WAWALE KA DAU SALA MURIA NA QARAVI NI SOQO VAKA OQO.

IA, SA MAI CAVA EDUA NA ITAVI OYA, ESA GAUNA NI TOSO ELIU OQO. KE KEIMAMI CICI, SE QASI, SE DOLO, E KA BIBI GA ME KEIMAMI TOSO TIKO ELIU.
ESA MAI CEGAI TALE OQO E DUA NA DRAUNI VEVA VOU NI CAKACAKA E SARU. NA LAGILAGI NI KALOU E SE SEGA NI VEISAU. NA KARAMACA KEI NA VIA GUNU VAKAYALO E SE SOTAVI TIKOGA ENA CABOCABO NI SORO EKE. NA TAUVIMATE, YALO E BIKAI, BILIRAKI KEI NA LOLOSI, E SE KUNE VAKACEGU TIKOGA NI RA LESU ENA VALE NI KALOU OQO. E SEGA NI BALETA NA VALE, E BALETA NA TAUKEI NI VALE.

NA TAUKEI NI VALE OQO E SA RUI UASIVI NA NONA LOLOMA, E SOLIA KINA NA LUVENA DUA BAU ME MAI VAKO GALUGALU ENA KAUVEILATAI MAI KALIVARI ENA VUKUDARU. NA LOLOMA OYA E SEGA NI VAKASOSOMITAKI RAWA.

SA RUI VINAKA NA KALOU. ME LAVETI GA OKOYA.

EMENI.

E VAKA KOTO OQO NA ROKA NI LOMA NI BAI E SARU ENA VEI SIGATABU.