VEITOKONI NA VEI MATALOTU ESO

KEIMAMI MATALAU NIRA SIKOVI KEIMAMI NA SOQOSOQO LOTU NI CMF KEI NA ALL NATIONS.


ENA BOGI NIKUA, ERA NA VAKAITAVI TIKO VEI KEIMAMI NA SOQOSOQO LOTU NI APOSTLES.

PICTURE UPDATES

OQO TALE ESO NA ITABA NI SOLEVU NI BASA E VAKAYACORI TIKO E LAUTOKA.

TAURI TIKO NA ITABA OQORI ENA GAUNA TALEGA E VAKAYACORI TIKO KINA NA QITO LEVU, RAU SOTA TIKO KINA O LAUTOKA KEI TAILEVU ENA LOMA NI RARA LEVU.

TOTOKA NA VEIVAKALOTUTAKI ENA VEI SIGALEVU

SOTAVI NA BULA E VAKATATARO NI YAVALA NA LIGA NI KALOU ENA VEI SIGALEVU.

VEI KEMUNI NA KILAI LAUTOKA VINAKA, KO NI NA KILAI IRA VINAKA NA MATA LAWALAWA KA DAU KILAI TU MA SQUAD NI 'SPREE SPRA' SE KO IRATOU NA DAU GUNU SIVIRITI WAVOKI TU ENA LOMA NI CHURCHILL PARK.

IA, VEI KEMUNI NA WEKADA, ME VAKA GA NI CAWIRI TU NA VURAVURA ENA QETEQETE NI LIGA NI KALOU, SA VAKA TALEGA KINA NA BULA NI TAMATA YADUDUA.

NIKUA, ERA SA VAKAYACO LOTU TIKO ENA LOMA NI RARA NI SOQO E CHURCHILL PARK NA MATALAWALAWA OQO, ME VAKA NI SA VAKABULAI IRATOU NA KALOU.

TOTOKA NA ROGO TUKUNIYALO. ERA A NANUMA TU NI SEGA NI DUA E RAWA NI SOTAVI IRA KA SA MADUATAKI IRA NA WEKADRA. IA, E YACOVA SARAGA NA GAUNA E SOTAVI IRA KINA NA GONE TURAGA KO JISU KARISITO.

E SEQAI OTI GA OQO EDUA NA NODRATOU VAKAITAVI KA ONI NA VAKADINADINATAKA NA VEISAU NI KEDRA I RAIRAI ENA VEI ITABA ESO KO NI NA VAKARAU RAICA KA KOTO OQORI ERA.

E RATOU VEITOKONI VATA TIKO KEI SO VEI IRATOU NA QASE NI LOTU E LAUTOKA.

TOTOKA NA DRAKI NI NODA SOQO

SOLI TU NA DRAKI TOTOKA NI SOLEVU E VAKAYACORI TIKO OQO E LAUTOKA. TU DONU MA MATA NI SIGA KA MUDREMUDRE VINAKA TU NA CAGI. E SOLI VAKARURU VINAKA TU NA VEI VUNI VAIVAI LELEVU KA KILAI TANI KINA NA LOMA NI KORO OQO E LAUTOKA.

AU VOLAVOLA TIKO YANI OQO ENA TABA VALE E CAKE ENA J R WHITE MAKAWA GA KONI KILA VINAKA TU NA KAI LAUTOKA, KAU VAKADIGOVA TU YANI OQO NA LOMA NI RARA NI HOCKEY.

E SA KUVU TU NA BUKA KA RA VISA TU ENA DAKU NI VEI VATUNILOA, TOKA TU NA WAI KATAKATA KA RA SA TEKIVU TABILI MAI NA LEWE NI VANUA. NA I COI NI TI E SEGA NI TUKUNI RAWA. OQO NA COI NI TI E VAVI ENA KURO KA VISA TU NA KENA BUKA. AU VAKABAUTA NI KONI NA SE NANUMA VINAKA TU NA WEKAI KEIMAMI KONI SA BIU VANUA TU VAKADEDE.

DOLA TU NA IQAQI NI SUKA KA IKURI TU NI ROROGO NA TAGI NI SICI NI SITIMA NI VANUA.

IA, E SEGA NI TIKOGA NA LAGILAGI NI SOQO OQO NA DRAKI NI VANUA. E TOTOKA TALEGA NA DRAKI VAKAYALO NI KEIMAMI VAKILA NA CAGI VAKACEVARURU NI YALO NI KALOU NI TIKO MALIWAI KEIMAMI ENA SASAGA OQO.

ME VAKA E CAVUTA VEI AU NA I TALATALA QASE, " E SEGA NI BIBI DUADUA NA ILAVO EDA NA SOQONA. E USUTU NI SOQO OQO, NA VEI TOKANI, CAKACAKAVATA KEI NA VAKALESUI NI YALO MERA LESU VEI KOYA NA TAUKEI NI BULA." E VAKILAI OQORI ENA NODRA TABILI MAI KA VAKAITAVI TIKO ENA VEIVAKALOTUTAKI ENA VEI BOGI NA VEI MATALOTU ESO (CMF, ALL NATION KEI NA APOSTLES).

AU VAKABAUTA NI KONI NA DAU VAKATU DALIGA TIKO MAI ENA VEI BOGI (8.30PM - 9.30PM - FIJI TIME) ENA http://www.fbcl.com.fj/ (RADIO FIJI ONE).

OQO NA BASA NI 2 TUI, WASE E 4.

E SA OTI E 21 NA YABAKI NI KENA SEGAI TIKO MAI NA CAKACAKA OQO, KA SEGA NI LEVU NA ILAVO E TU VEI IRA NA LEWE NI LOTU. SEGA NI LEVU ERA CAKACAKA VINAKA. IA, NA LEVU GA NI NODRA LOMANA NA NODRA KALOU KEI NA YALO NI LOMASOLI ME SOLI NA KA GA SA VO TU VEI IRA ME QARAVI KINA NA CAKACAKA CECERE OQO.

OQO GA ESO TALE NA VEI ITABA ESO;

VINAKA VAKALEVU NA TIKO RAVITA TIKO MAI NA MONA LIVALIVA OQO, KEI NA VAKASUKAI TIKO MAI NI VEITUKUTUKU ESO (COMMENTS).

ME YACOVA NA NODA VEITALANOA TALE, ME VAKALOUGATATAKI KEMUNI NA TAMADA SA CECERE SARA.

CAVA NA MATAI NI SIGA NI SOLEVU

Toso tiko na mausa kei na volivolitaki ena loma ni Hockey Ground e Churchill Park,Lautoka.

Era tokara na isulu roka vata na marama ka era tatavu tu oqo na cauravou, buli icoi ni ti na goneyalewa ka ra vavavi na turaga

Esa totoka dina ni ra sou vata mai na lewe ni lotu ka ra cakacaka vata ena yalo e veilomani dina.

Me vakacerecerei ga na tamada sa cecere sara.

Keimami vakabula tiko yani vei kemuni na noda ni tiko ravita tiko mai na monalivaliva oqo.

Vakavinavinaka vei kemudou mai Texas, San Fransisco kei Los Angeles. Vinaka vakalevu na veitaratara tiko mai.